Dita që të gjithë ju të pregatisni shtëpitë tuaja dhe rutinën e lutjeve është pranë dhe të gjithë që më ndjekin Mua duhet të pranojnë të bëjnë sakrifica, për të më ndihmuar Mua të hap sytë e fëmijve të Hyjit ngado ndaj kësaj ligësie, e cila do ta kthej botën përmbys.
Ashtu si çdo profet i vërtetë përbuzet dhe trajtohet si i mërzitshëm, ju, ndjekësit e Mi të dashur, do të shiheni si të mërzitshëm kur të zbuloni të Vërtetën. Prisni tallje, nënqeshje dhe përbuzje, ngado që të ktheheni. Njerëzit që ju rrethojnë do t’ju ngacmojnë, kritikojnë dhe do të gjejnë gabime, madje edhe kur ju nuk flisni me ata rreth Fjalës Sime.
Çdo ëngjëll i rënë dhe djall, që e përshkon Tokën në këtë kohë, përmes shpirtrave të dobët, do të tërhiqen menjëherë ndaj jush, për t’ju dekurajuar ndaj kësaj Pune.
Pranojeni këtë trishtim në Emrin Tim, sepse kur ju e bëni, ju i jepni Hyjit lavdi të madhe dhe kjo është një nga dhuratat më të mëdha që ju mund të më jepni Mua. Pastaj Unë i përdor këto sprovat tuaja për ta mposhtur Satanin duke i deklaruar shpirtrat, të cilët janë destinuar të bëhen të tij.
Fare pak i kuptojnë Ligjet Hyjnore të Qiellit dhe rolin e Kryqit në jetën tuaj. Një ditë, të gjithë fëmijët e Hyjit do ta kuptojnë përse këto vepra mizore duhet të durohen. Vazhdoni me detyrën për të përhapur të Vërtetën, shpërfilleni urrejtjen që do të dëshmoni dhe mos pranoni udhëzime nga ata që më mohojnë Mua – asnjëherë.
Marshimi juaj drejt Parajsës së Re do të jetë i vështirë. Por vetëm me një ushtri të vogël, ju mund ta mposhtni egërsinë e ndëshkimeve, që do të dërgohen nga antikrishti mbi botën. Detyra juaj është që të paralajmëroni të tjerët mbi rreziqet e pranimit të ligjeve të Satanit si një zëvëndësim për Ligjet e Hyjit.
Vetëm me Urdhërin e Atit Tim mundem Unë të marr me Vete të gjithë ata emrat e të cilëve janë në Librin e të Gjallëve, por që do ta lidhin besën e tyre me profetin e rremë dhe, me një pranim të heshtur, do të tërhiqen pas joshjes tunduese të antikrishtit.
Jezusi juaj
https://fatherofloveandmercy.wordpress.com/2013/08/04/my-prophecies-which-reveal-the-arrival-of-the-antichrist-are-soon-to-be-realised/