Biri im i dashur, Jezu Krishti, adhurohet, nderohet dhe mbulohet me dashuri të madhe nga ëngjëjt dhe shenjtorët ne Qiell. Në Tokë ka fare pak respekt që tregohet ndaj Atij I Cili pësoi një vdekje të tmerrshme për të shpëtuar racën njerëzore nga mëkati. Sa loton Qielli në këtë kohë në histori, pasi çdo përpjekje për ta pastruar Tokën nga çdo shenjë që përfaqëson Birin tim është duke u bërë ngado. Të pakënaqur me ndalimin e shfaqjeve publike të Kryqeve Më Të Shenjta, së shpejti do të bëhet e paligjshme të deklaroni se ju ndiqni Jezu Krishtin.
Fare pak tolerancë do të tregohet ndaj të Krishterëve që qëndrojnë besnikë ndaj Fjalës dhe që ndjekin udhën drejt Hyjit. Madje dhe ata shërbëtorë të shenjtë që deklarojnë se i shërbejnë Jezu Krishtit do të jenë tepër të dobët për ta mbrojtur Krishtërimin dhe ata do ta lejojnë veten të detyrohen për t'i pranuar këto ligje. Në shumë raste tradhëtarët mes tyre do të mundësojnë heqjen e Kryqit dhe të Vërtetën e Krishtërimit.
Me kalimin e kohës, ata të gjithë do të adhurojnë një doktrinë të rreme, së bashku me fetë e tjera që nuk do të vijnë nga Hyji. Për shkak se ata do të zgjedhin udhën e gabuar, sipas vullnetit të tyre të lirë, kjo do të thotë se ata do të refuzojnë të pranojnë Mëshirën e Hyjit dhe do ta dënojnë veten drejt errësirës.
Ju kurrë nuk duhet ta tradhëtoni Birin tim për asnjë arsye, sepse Ai është Udha e të Vërtetës dhe vetëm Ai mund t’ju sjelli Shpëtimin e Përjetshëm.
Nëna juaj e dashur
Nëna e Shpëtimit
https://fatherofloveandmercy.wordpress.com/2014/07/02/mother-of-salvation-it-will-soon-become-unlawful-to-declare-that-you-follow-jesus-christ/