Tuesday, 11 August 2015

Madje dhe grupet e vogla të lutjes së Mëshirës Hyjnore mund të shpëtojnë miljona

E Shtunë, 16 Prill 2011, në 22:45

Bija Ime e dashur, koha për Paralajmërimin tani është afër dhe do të ndodhi shpejt sa hap e mbyll sytë. Gjithkush do t’i ndali hapat e tyre ndërsa dëshmojnë Mëshirën Time të Madhe. Lutuni për të gjithë ata në mëkat mortor, si një prioritet. Ata kanë nevojë për lutjet tuaja, sepse shumë prej tyre do të bien të vdekur nga tronditja kur të shikojnë tmerrin e ligësive të ndyra që ata kanë kryer, ashtu si shihen përmes Syve të Mi. Duke u lutur me Mëshirën Hyjnore mund të shpëtoni miljona madje edhe nëse është vetëm një grup i vogël i ndjekësve të dashur e të përkushtuar.

Unë nuk do t’ju jap një datë, bija Ime, për këtë Ngjarje të Madhe. Por të jesh e sigurtë se koha është tani afër, ndërsa i ligu vazhdon të rritet pa kufi nëpër mbarë botën, po ashtu dhe Dora e Atit Tim do të bjerë ngado. Ai nuk do të rri duarkryq dhe t’i lejoj këta mëkatarë të liq, në bashkpunim me Satanain, t’i shkatërroj apo infektoj më fëmijët e Mi. Turp të kenë ata mëkatarë të dhënë pas vetvetes, të cilët Unë prapë i dua pavarësisht nga njolla e keqe e mëkatit të tyre. Unë ju kërkoj të luteni për faljen e mëkateve të tyre, tani.

Ndërsa Paralajmërimi do të ndodhi tani, po ashtu edhe katastrofat ekologjike do të bien mbi njerëzimin. Lutja është e vetmja armë e juaja tani, fëmijët e Mi, për të shpëtuar veten dhe njerëzimin nga flakët e Ferrit. Kur Paralajmërimi të marri fund, paqja dhe gëzimi do të mbretëroj. Dhe pastaj persekutimi nga Aleanca për Botën e Re do të filloj. Fuqia e tyre do të dobësohet nëse mjaft nga ju përhapin kovertim dhe luten fortë.

Mos kini frikë, ndjekësit e Mi të dashur, ju do të punoni së bashku për t’u lutur për shpëtimin e njerëzimit. Dhe ju do të shpëtoni miljona shpirtra në proçes.

Shpëtimtari juaj i dashur

Jezu Krishti

Mesazhi ne anglisht:

Monday, 10 August 2015

Çfarë ju do të përjetoni gjatë Paralajmërimit dhe Lutje për falje në çast

E Shtunë, 16 Prill 2011, në 10:00

Bija Ime e dashur, lëviz shpejt për ta shtuar vetëdijen rreth Mesazheve të Mia, sepse Paralajmërimi është pothuajse gati në botë. I thuaj atyre shpirtrave që refuzojnë të luten, ta hedhin poshtë krenarinë dhe mospëlqimin e tyre dhe të kthehen tek Unë tani për të kërkuar falje. Të jesh e qartë se shumë, shumë shpirtra nuk do të mbijetojnë në këtë ngjarje të pashmangshme. Shumë nga këta shpirtra janë thjeshtë dembela dhe ndërsa ata, pas gjithë këtyre, besojnë në Hyjin Atin e Përjetshëm, ata mendojnë se dikur në të ardhmen ata do të merren me besimet e tyre shpirtërore. Por do të jetë tepër vonë.

Tregoi botës se kjo ngjarje do t’i shpëtoj ata. Shumë do të pendohen gjatë kësaj Eksperience Supernatyrale. Ata do të ndjejnë një djegje të brëndshme, jo e ndryshme nga ajo që përjetohet nga shpirtrat në purgator. Kjo do t’ju japi atyre një ide se çfarë ju duhet të përjetojnë, shpirtrat që nuk janë plotësisht të pastër, para se të mund të shohin Dritën e Lavdishme të Qiellit. Thjeshtë duke e pranuar se kjo ngjarje mund të ndodhi, ata mund të mbijetojnë. Kthehuni tek Unë dhe thoni: “Të lutem më drejto drejt Dritës dhe Mirësisë së Mëshirës Tënde të madhe dhe më fal mua për mëkatet e mia.” dhe Unë do t’ju fal në çast. Pastaj pas Paralajmërimit ju do të përjetoni një paqe dhe gëzim të thellë në shpirtin tuaj.

Të rinjtë e kanë për turp të luten

Shumë njerëz në botë sot refuzojnë të luten. Shumë të rinj në veçanti e shohin si të turpshme dhe jashtë mode. Ata gabimisht besojnë, se po, ndërsa mbajnë një besim tek Zoti, lutja është e panevojshme. Kjo nuk është e vërtetë. Është e rëndësishme me qëllim që të hyni në Parajsë pasi do ta dëshironi shumë pas vdekjes. Nëse qëndroni në mëkat ju nuk mund ta shijoni këtë festë të lavdishme. Ashtu si ata prej jush që qëndroni në formë të mirë fizike, kujdeseni për trupin, shikoni me kujdes se çfarë hani dhe jeni elegantë, po ashtu ju duhet ta pregatisni shpirtin tuaj në këtë mënyrë. Pa i kushtuar vëmëndje me kujdes gjëndjes së shpirtit tuaj, ai do të bëhet i dobët dhe do t’i mungoj ushqimi i duhur për të siguruar se është në formë të përsosur.

Lutje të thuhet për të konvertuar të tjerët

Për shkak të dobësisë së besimit mes atyre në botë që janë besimtarë, ata prej jush që janë të fortë në besim kanë një përgjegjësi të madhe tani. Ju duhet të thoni këtë lutje konvertimi për të tjerët.

 “Unë të lutem Jezus, në Mëshirën tënde Hyjnore, t’i mbulosh këta shpirtrat të vakët me Gjakun tënd të Çmuar që edhe ata të mund të konvertohen.” E thoni këtë lutje të shkurtër në emër të atyre, që ju besoni se kanë nevojë më shumë.

Mbajeni mënd, fëmijë, premtimin Tim të lavdishëm. Unë do të Triumfoj në fund. Satanai, mashtruesi, thjesht nuk mund të shpëtoj. Ju lutem të më lejoni Mua t’ju mbroj dhe t’ju marr me Vete. Mos e jepni shpirtin tuaj tek Satanai. Unë ju dua të gjithëve ju. Vazhdoni të më kërkoni Mua ta forcoj besimin tuaj çdo ditë.

Shpëtimtari juaj Hyjnor
Mbreti I Mëshirës dhe Dhembshurisë

Jezu Krishti

Mesazhi ne anglisht:

Zgjohuni ndaj të Vërtetës para se të jetë tepër Vonë

E Premte, 15 Prill 2011, në 23:00

Bija Ime e dashur, ti duhet t’i thuash botës se duhet t’i përmbahet Vullnetit Tim Më Të Shenjtë, nëse njerëzimi e do jetën e përjetshme. Kjo botë, edhe pse ka shumë për të ofruar, kurrë nuk do ta kënaqi urinë tuaj. Po të mos ishte për mëkatet e prindërve tuaj të parë, Adamit dhe Evës, atëherë po, do të kishte qënë e mundur të jetonit në lumturinë e përjetshme pa asnjë pengesë në udhën tuaj. Për shkak se mashtruesi është kudo, ai nuk do të lër asnjë nga ju ta planifikoj jetën e vet drejt Meje. Dinak, gënjeshtar, ai vazhdimisht do të përpiqet të siguroj që ju të bini në mëkat përmes mënyrave të ndryshme të joshjes. Megjithatë, ai do ta ketë shumë të vështirë, t’ju vër në shënjestër nëse jeni në gjëndje hiri, e arritur përmes Rrëfimit dhe Sakramentit të Bekuar.

Rozarja e Shenjtë është në veçanti efektive kundër Satanait për arsye të fuqisë së dhënë Virgjërës së Bekuar, Nënës Sime, nga Hyji Ati I Përjetshëm. Ajo ka fuqi të tmerrshme mbi mashtruesin. Ai është i pafuqishëm kundër saj dhe ai e di këtë. Nëse ju e lejoni Nënën Time të Shenjtë t’ju drejtoj drejt hireve për të cilat ajo mund të ndërhyj, në emrin tuaj, atëherë ju do të jeni të paprekur ndaj influencës së tij. Ndërsa njerëzit sot përpiqen drejt lumturisë dhe paqes mbi këtë tokë, ata kërkojnë një formulë sekrete. Këtu ata e kalojnë kohën duke u përpjekur të zbërthejnë sekretin e lumturisë, përfitimit material dhe paqe në jetën e tyre. Ata dalin me mënyra, ide të reja, të gjitha këto të reklamuara përmes planeve për t’u bërë të pasur. Pavarësisht nga të gjitha argumentet që ata paraqesin, shumë prej të cilave janë të bazuara mbi idealizmin e krijuar psikologjikisht, thjeshtë nuk është e mundur të gjeni paqe dhe gëzim në jetën tuaj nëse nuk besoni në Hyjin Atin e Përjetshëm. Ai është i vetmi Dhurues I Jetës. Pa u afruar tek Ai, ju do të jeni të zbrazët në shpirt. Ata prej jush, që shpenzojnë shumë kohë të konsiderueshme duke u përpjekur të përgënjeshtrojnë Egzistencën Time, e harxhojnë kohën e tyre duke ndjekur ëndrra, që kurrë nuk do të japin fryt.  Refuzimi juaj kokfortë për njohjen e Krijuesit tuaj, Qënies Supreme I Cili e krijoi këtë botë, do t’ju çoj në humnerën e errësirës së përjetshme. Shumë njerëz si ju, të cilët shkuan deri aty sa ta mohojnë Egzistencën e Zotit, në jetën e tyre, duke përhapur gënjeshtrën se nuk ka një gjë të tillë si Hyji Ati, për fat të keq, janë tani në thellësitë e Ferrit ashtu si e zgjodhën vetë. Mos e lejoni këtë të ndodhi tek shpirtrat tuaj; ku ata që përfundojnë në Ferr, digjen sikur janë akoma prej mishi. Sa qesh Satanai me injorancën tuaj. Kur ju e mohoni Zotin, ju e mohoni të drejtën tuaj ndaj lumturisë së përjetshme. Kjo lumturi e përjetshme është e njëjta çfarë ju kërkoni pa pushim në botë. Por ajo nuk mund të arrihet në Tokë.

Kurrë mos e jetoni jetën tuaj në Tokë sikur kjo të ishte e vetmja pjesë e rrethit të egzistencës suaj, sepse nuk është. Shtëpia juaj e vërtetë do të jetë në Parajsë me Mua.

Shpëtimtari juaj i dashur

Jezu Krishti

Mesazhi ne anglisht:

Saturday, 8 August 2015

Si të siguroni që familja dhe miqtë tuaj mund të hyjnë në Parajsë

E Premte, 15 Prill 2011, në 15:30

Bija Ime e dashur, Unë gëzoj sepse sa shumë ndjekës të Mi të mirë dhe të devotshëm mblidhen së bashku gjatë Javës së Shenjtë, si një trup i vetëm, për të nderuar Sakrificën që Unë bëra për të gjithë. Një sakrificë që Unë përsëri do ta ofroja me dëshirë po të shpëtonte çdo njërin prej jush. Dashuria Ime është e thellë për çdo individ në botë, ku secili u krijua prej Vullnetit të Shenjtë të Hyjit Atit të Përjetshëm, Krijuesi i njerëzimit. Të gjithë ju mbani një vënd shumë të veçantë në Zemrën Time, madje edhe ata prej jush që nuk më njihni Mua.

Nëse do t’ju premtohej një jetë mbi këtë Tokë me ofertën e pasurisë dhe lumturisë shumë nga ju do të hidheshit tek kjo mundësi. Kaq të dhënë jeni pas ndjekjeve të kënaqësisë së trupit. Nëse njerëzve do t’i ofrohej Parajsa në Qiell, ata do ta kënë të vështirë ta imagjinojnë. Unë e kuptoj këtë. Për shpirtin e vakët, atij do t’i duhet një imagjinatë e gjallë për ta kuptuar këtë vënd të lavdishëm. Ai gjithmonë do të përpiqet për ta imagjinuar këtë vënd të lavdishëm. Të vetmit shpirtra që munden janë ata me një besim të fortë në Egzistencën e Zotit. E vetmja mënyrë për ta kuptuar me të vërtetë xhevahirin që e pret secilin prej jush është forca e besimit tuaj. E vetmja mënyrë për ta bërë këtë është të luteni fort për të parë të Vërtetën, Dritën, të ardhmen e shndritshme që i pret të gjithë ata që e nderojnë Hyjin Atin e Gjithëpushtetshëm. Besimtarë, ju duhet të luteni për miqtë, bashkëshortët, të afërmit, prindërit, vëllezërit, motrat dhe fëmijët tuaj që kanë pak besim. Lutja Ime e Mëshirës Hyjnore, kur recitohet nga ju në emër të tyre do t’i shpëtoj shpirtrat e tyre. Ky është premtimi Im për ju tani.

Shpëtimtari juaj i dashur

Jezu Krishti

Mesazhi ne anglisht:

Hire të veçanta ju premtohen nëse e thërrisni Jezusin për vetëm një ditë

E Enjte, 14 Prill 2011, në 11:00

Bija Ime e dashur, faleminderit që po përkushton më shumë kohë ndaj kësaj Pune Më Të Shenjtë. Koha ka ardhur që të gjithë ju t’i hapni zemrat tuaja ndaj Meje, vetëm për një ditë, për të më dhënë Mua mundësinë t’ju mbush ju me hire të veçanta. Këto hire do të hidhen tani mbi ata prej jush që e kanë harruar se Unë Egzistoj, ndërsa koha po afron për Të Premten e Zezë.

Ndërsa koha për Novenan/Nënditëshin e fuqishëm të Mëshirës Hyjnore po afron, kjo kohë do të përdoret për t’i vërshuar shpirtrat tuaj me një Dhuratë të veçantë nga Unë. Bëni tani ashtu si them Unë, dhe lutuni me fjalët tuaja, tek Unë sot. Hiret që Unë do t’ju jap jo vetëm që do t’ju sjelli më pranë Zemrës Sime të Shenjtë, por do t’ju mbushi me Shpirtin e Shenjtë. Bëni lutjen e Novenas/Nënditëshit nga e Premtja e Zezë dhe përfshini sa më shumë shpirtra të mundeni dhe Unë do të shpëtoj secilin.

Për ata prej jush që mbeten prapa, madje pas përkushtimit ndaj Meje, Unë do t’ju ngre përsëri. Kurrë mos kini frikë të ktheheni tek Unë nëse largoheni. Unë kurrë nuk do t’i braktis ata që vazhdojnë të kthehen tek Unë. Si mëkatarë, kjo ka për tendencë të ndodhi. Kurrë mos kini frikë, Unë Jam duke qëndruar përkrah jush gati për t’ju përqafuar çdo herë. Mëkati mund të falet. Kurrë mos u ndjeni fajtor për mëkatin nëse ju duhet të ktheheni tek Unë për të kërkuar falje. Unë Jam gjtihmonë atje.

Fëmijët e Mi, përdoreni Javën e Shenjtë për t’i kujtuar të gjithë për Sakrificën që Unë bëra për mëkatarët. Dhembshuria Imë është akoma e fortë. Ajo kurrë nuk është dobësuar për shpirtrat, madje edhe për ata mëkatet e të cilëve më shkaktojnë Mua fyerje të thellë. Nëse një shpirt kërkon falje, atëherë ai mëkat do të hiqet. 
Novena/Nënditëshi Im i Mëshirës Hyjnore do të japi hiret më të fuqishme kur fillon nga e Premtja e Zezë deri në Festën e Mëshirës nëntë ditë më vonë. Duke e recituar këtë ju jo vetëm që do të shpëtoni shpirtrat tuaj por miljona të të tjerëve. Bëheni këtë për Mua.

Shpëtimtari juaj Hyjnor përherë i dashur dhe besnikë

Jezu Krishti

Mesazhi ne anglisht:

Unë Jam I Pranishëm në Eukaristi pavarësisht nga keqinterpretimi i Premtimit Tim

E Enjte, 14 Prill 2011, në 00:05

Bija Ime e dashur, mos u shqetëso. Ti po përmirësohesh në atë që ke caktuar kohë për t’u lutur tek Unë. Tani është e rëndësishme që njeriu ta kuptoj se me qëllim që të afrohen më pranë Zemrës Sime, ai duhet ta kuptoj nevojën për të marrë Sakramentin e Eukaristisë Më Të Shenjtë.

Shumë njerëz, përfshi grupet e tjera Kristjane, e mohojnë Praninë Time të Vërtetë në Eukaristi. Është e paqartë, përse ata kanë vendosur të mohojnë premtimet që Unë bëra në Darkën Time të Fundit, ku Unë premtova se do të jepja Trupin dhe Gjakun Tim si Bukë dhe Ushqim për shpirtrat tuaj. Çfarë është e qartë është se Mbrekullia e Eukaristisë së Shenjtë, e Pranishme në të gjitha Tabernakullat në mbarë botën, Egziston sot, dhe është atje për t’i mbushur shpirtrat tuaj të gjorë, të paushqyer dhe të zbrazët me Praninë Time. Kjo Prezencë do t’ju forcoj në mënyrën që, po të mos më merrni Mua kur jeni mësuar me atë, ju do të ndjeheni të humbur.

Shumë Kristjanë e shpërfillin një nga premtimet më themelore që Unë bëra gjatë Kryqëzimit Tim, ku Unë do të jem I Pranishëm në Bukë dhe Verë dhe do të lë një shenjë të përhershme për të ndihmuar në ushqimin e shpirtrave. Shumë arsye njerëzore ka bërë që Unë të jem refuzuar madje edhe nga Kristjanët dashamirës. Të njëjtët Kristjanë nuk mund ta marrin Eukaristinë e Shenjtë në Formën e vet Të Vërtetë. Eukaristia Më e Shenjtë ju dha të gjithëve ju si një Dhuratë e madhe për shpengimin dhe shpëtimin tuaj. Duke e refuzuar faktin se Unë Jam I Pranishëm, do të thotë se ju po humbisni hiret e veçanta, që janë pjesë e premtimit për të më sjellë Mua shumë më pranë në zemrat tuaja. Dijeni, kur Unë vdiqa për ju, ishte për t’ju çuar drejt jetës së përjetshme dhe shpëtim. Më merrni Mua si Prania e Gjallë dhe shpirtrat tuaj do të ndriçohen në mënyrën që nuk do ta besonit se do ishte e mundur. Kthehuni të merrni Trupin dhe Gjakun Tim. Më lejoni Mua t’ju heq dyshimet. Ky është një nga gabimet më të mëdha që kanë bërë Kristjanët, duke më mohuar Mua të hyj në shpirtrat tuaj në këtë mënyrë. Kjo e fyen shumë Atin Tim të Përjetshëm për arsye të Sakrificës të dhënë për të shpëtuar shpirtrat tuaj. Më lejoni Mua të sjell Dritë dhe ushqim në jetën tuaj. Ju do të jeni më të prirur për ta pranuar të Vërtetën e Mësimeve të Mia pasi të ndodhi Paralajmërimi.

Mbajeni mënd çfarë Unë premtova gjatë Darkës Sime të Fundit se kur ju merrni bukën dhe verën ajo do të bëhet Trupi Im dhe Gjaku Im. *Çdo interpretim tjetër është shtrëmbëruar nga llogjika dhe arsyeja njerëzore. Tani kuptojeni dhe pranojeni të Vërtetën.

Shpëtimtari juaj i dashur, Jezu Krishti

*Për t’u sqaruar mbi Doktrinën e Transformimit ju lutem referojuni Mesazhit të dhënë të Premten, 1Qershor 2012, 20:15.


“Kur antikrishti të shkatërroj të gjitha fetë e vetmja armë ndaj së cilës ai do të jetë i pafuqishëm është Mesha e Shenjtë dhe Transformimi i bukës dhe verës në Trupin dhe Gjakun Tim, në Eukaristinë e Shenjtë.”

Mesazhi ne anglisht:

Wednesday, 5 August 2015

Dhimbja Ime është akoma më e madhe sot se sa ishte gjatë Kryqëzimit Tim

E Mërkurë, 13 Prill 2011, në 23:00

Bija Ime e dashur, Unë derdh lotë me trishtim të madh sonte me mëkatet e njerëzimit, që janë shtuar me intensitet të madh, ndërsa koha po afron që bota të festoj Mundimin Tim në Kryq. Dhimbja Ime është akoma më e madhe se sa ishte kur Unë u kryqëzova në fillim.

Tani Unë po e përjetoj Agoninë që durova, ndërsa mëkatet e njerëzimit e copëtojnë Zemrën Time si një shpatë, që është më e gjatë, më e mprehtë dhe më e dhimbshme. Dëgjoni lutjet e Mia. Dëgjoni thirrjet e Mia. Të gjithë ju, më ngushëlloni Mua në këtë agoni të thellë që Unë e duroj sot. Unë duhet të dëshmoj, çdo ditë, dëshpërimin e thellë, dhimbjen dhe torturën e shkaktuar nga njeriu, mbi njeriun, nga njeriu, mbi fëmijët. Këta vrasës nuk ndjejnë keqardhje, kaq të infektuar janë shpirtrat e tyre të errët nga Satanai, mashtruesi. Ai nuk tregon aspak keqardhje për ndonjë prej jush, sepse ai nuk ka shpirt. Prapë, njeriu gabimisht dorëzohet ndaj tundimeve të tij si i verbër. Me kaq nënshtrim e lejojnë ata veten të zhyten në këtë errësirë të tmerrshme, sa Unë duhet të mbështetem tek ju besimtarë që të luteni fort për të shpëtuar shpirtra të tillë.

Dhimbja Ime intensifikohet për ditë. Mëkati nuk shihet nga njeriu, për çfarë është. Në nivelin e vet më të thjeshtë ai është një vetë-pëlqim. Në nivelin më të keq, ai është një dëshirë për të gjitha gjërat që i dëmtojnë të tjerët, përmes pandeshmërinë, dhunës, abuzimit dhe vrasjes. Përse njerëzit e bëjnë një sy qorr kur shikojnë mizori të tilla? Ato viktima janë njerëz ashtu si ju. Lutuni fort për këta keqbërës, sepse edhe ata janë viktima. Ata, fëmijët e Mi, kanë rënë në kurth nga mashtruesi, prapë shumë madje nuk e pranojnë se ai egziston. Koha po afron tani për Fjalën Time të dëgjohet me të vërtetë përsëri në Tokë. Ju lutem, ju lutem t’ja shpjegoni të gjithëve se Mëshira Ime do të dëshmohet tani në Tokë përgjatë ngjarjeve supernatyrale që do të vijojnë. Është e rëndësishme t’i thoni sa më shumë njerëzve të jetë e mundur t’i kërkojnë Hyjit Atit të Përjetshëm, të fali secilin prej jush, për mëkatet e kryera në të kaluarën. Bëjeni këtë tani dhe shpejt. Shpëtoni shpirtrat tuaj dhe të të tjerëve. Ndërsa konvertimi të vërshoj, disa shpirtra të pafatë nuk do t’i shpëtojnë tronditjes. Lutuni, lutuni që ata të mos vdesin në mëkat mortor.

Ju lutem ta kujtoni veten për Mundimin Tim gjatë Pashkës, duke e konsideruar Sakrificën që Unë bëra me dëshirë për të gjithë ju me qëllim që të shpëtoni. Atëhërë ta kuptoni se Paralajmërimi, Ndriçimi I Ndërgjegjes, është Dhurata Ime tjetër e Madhe e Mëshirës për njerëzimin.

Përhapni konvertim ngado. Ndihmoni në mundjen e mashtruesit duke u lutur me Mëshirën Time Hyjnore për të shpëtuar shpirtra. Besoni tek Unë tani dhe më ktheni Mua në zemrat tuaja. Bashkohuni së bashku për të shpëtuar njerëzimin me anë të dashurisë.

Shpëtimtari juaj Hyjnor, Jezu Krishti
Biri I Hyjit Atit të Gjithëpushtetshëm

Krijuesi dhe Bërësi i gjithçkaje

Mesazhi ne anglisht:

Tuesday, 4 August 2015

Miljona Shpirtra do të shpëtojnë përmes këtyre mesazheve

E Enjte, 7 Prill 2011, në 22:00

Bija Ime e dashur, Dhurata e Shpirtit të Shenjtë u hodh mbi ty sot, së bashku me hire të veçanta Hyjnore. Ti, bija Ime, pasi e ke dorëzuar vullnetin tënd të lirë, tani do të vazhdosh të kryesh Vullnetin Tim Më Të Shenjtë. Ti tani do ta kuptosh rëndësinë e bindjes së plotë ndaj Meje, në mendimet, fjalët, veprimet, sjelljen dhe qëndrimin tënd. Ti tani do të ndjekësh udhëzimin Tim dhe do ta kërkosh atë para se të kryesh ndonjë veprim në emrin Tim.

Më në fund, ti je gati për të ndjekur udhëzimin Tim. Tani të duhet të më përkushtosh Mua të paktën 2 orë në lutje çdo dy ditë. Përveç kesaj, ti duhet të ndjekësh udhëzime nga drejtuesi shpirtëror më i shenjtë i dërguar tek ty nga Qielli. Ai do të flasi ty ashtu si Unë e udhëzoj atë. Bëj pikërisht çfarë ai thotë. Ti duhet të sigurosh që ti komunikon me Mua çdo ditë sepse Unë kam shumë për të thënë.

Bija Ime, dëgjo vetëm Zërin Tim që tani e tutje. Shkruaj vetëm çfarë merr nga Unë. Kurrë mos merr shpjegim rreth këtyre Mesazheve Më Të Shenjta nga të tjerët.  Ka vetëm një gojë me të cilën Unë komunikoj me ty dhe ajo është e Imja. Më beso Mua, bija Ime. Beso tek Unë plotësisht. Kurrë mos i vë në pyetje këto Mesazhe, sepse Jam Unë që po flas me ty. Gjithmonë ta kujtosh këtë. Tani që ti beson tek Unë, ti do të jesh më e fortë. Më lejo të siguroj që ti do të jesh tani në gjëndje t’i përballesh më me sukses sulmeve nga mashtruesi.

Qëndro e qetë. Dashuria për ty, bija Ime, po vërshon nëpër Zemrën Time, ndërsa përkushtimi dhe dashuria jote për Mua të mbush ty dhe të bën të dobët. Kjo Dashuri e fuqishme është e pastër në gjithë tërësinë e saj dhe nuk mund të krahasohet me ndonjë gjë që ti e ke përjetuar ndonjëherë më parë në këtë botë.

Qielli gëzon me dorëzimin tënd final. Por tani ti duhet ta pregatitësh veten për të ndihmuar miljona shpirtra. Bija Ime, detyra që Unë të kërkoj ty është madhështore në terma njerëzore. Ti, bija Ime, do të jesh lajmëtare e volumit më të madh të Fjalës Sime të Shenjtë në botë, me qëllim që bota të pregatitet për Ardhjen Time të Dytë.

Ata, fëmijët e Mi të shtrenjë të cilët Unë i dua me pasion të thellë përtej dijes tënde, duhet të kthehen tek Zemra Ime Më e Shenjtë para se të jetë tepër vonë. Ti, bija Ime, pritet që të deklarosh Fjalën Time tek njerëzimi. Kjo nuk është detyrë e lehtë. Ti do të vuash për këtë, por ti duhet ta kuptosh se kjo tani është detyra jote ndaj Meje. Ti je thirrur për të siguruar, që përmes Fjalës nga Buzët e Mia Hyjnore, miljona shpirtra do të shpëtojnë nga flakët e Ferrit.

Komuniko me Mua tani ashtu si duhet. Unë do të drejtoj gjatë gjithë kohës. Paqja qoftë me ty, bija Ime. Shpirti Im Më I Shenjtë do të vërshoj tani shpirtin tënd. Ti tani je e mbushur me dashuri dhe gëzim dhe je gati për fazën tjetër të këtij Misioni Hyjnor.

Shpëtimtari juaj
Jezu Krishti

Mesazhi ne anglisht:


Monday, 3 August 2015

Kurrë mos i gjykoni fetë e tjera, besimet apo preferencat seksuale

E Mërkurë, 6 Prill 2011, në 00:05

Bija Ime e dashur, tortura që ti po duron është për shkak se mashtruesi vazhdimisht përpiqet të të tundoj të heqësh dorë nga kjo Punë më e Shenjtë. Ai po të shkatërron. Pranoje këtë. Kurrë mos e dysho Fjalën Time Hyjnore, pavarësisht se sa e vështirë kjo mund të jetë për ty. Ti do të shpërblehesh me shpirtin e paqes kur me të vërtetë dorëzohesh tek Unë. Vazhdo të ma thuash këtë çdo ditë. Gjatë gjithë ditës dhe më kërko Mua hiret për të të mbushur me gëzim sa herë që mashtruesi të sulmon. Qëndro e fortë, bija Ime. Kurrë mos u dorëzo. Çliroje mëndjen nga gjërat e kota dhe përqëndrohu tek Mesazhet e Mia për botën. Ato janë Mesazhet më të rëndësishme për njerëzimin sot. Ato po jepen për ta udhëzuar njerëzimin të gjej edhe një herë udhën e drejtë drejt Meje.

Njerëzit janë të ngatërruar nga Mësimet e Mia

Shumë njerëz janë të humbur tani. Ata janë të ngatërruar nga Mësimet e Mia si dhe një numër mënyrash me të cilat ato janë interpretuar. Të shpëlara. Të ndryshuara. Me pjesë të shtuara. Me pjesë të hequra. Fëmijët e Mi kanë nevojë për drejtim tani, me qëllim që të kërkojnë hiret që ju duhen atyre për t’u bërë përsëri të fortë dhe të lehtë në shpirt. Kjo mund të ndodhi vetëm nga lutja dhe duke ju përmbajtur Mësimeve të Mia.

Unë nuk përjashtoj as edhe një shpirt të vetëm në botë

Fëmijët e Mi që janë të konvertuar e dinë këtë dhe afrohen më pranë Zemrës Sime përmes Sakramenteve. Megjithatë, për ata fëmijë të humbur, që enden, ata duhet të fillojnë që nga fillimi dhe ta kujtojnë veten për 10 Urdhërimet  e dhëna botës përmes Moses. Shumë, shumë fëmijë sot janë të pavetëdijshëm për këto. Unë nuk përjashtoj as edhe një shpirt të vetëm në botë, pavarësisht se cilën fe ata praktikojnë.

Paralajmërim për besimtarët që i përçmojnë besimet e tjera

Nëse besimtarët e Mi e diferencojnë veten dhe e vendosin apo e lartësojnë veten, në kurriz të atyre që janë të pavetëdijshëm për Mësimet e Mia, atëherë ata po sillen ashtu si bënë Farizenjë. Turp për ata që e konsiderojnë veten mbi ata shpirtra që kanë nevojë për dije. Turp për ata, që, edhe pse janë të vetëdijshmë për të Vërtetën, përbuzin ata me fe të ndryshme; të cilët besojnë se – duke qënë të ditur për të Vërtetën, dhe që përfitojnë nga Sakramentet Më të Shenjta, ata janë më të rëndësishëm në Sytë e Mi. Po, Unë kam kënaqësi dhe gëzim të madh në Zemrën Tim nga ata ndjekës të përkushtuar. Por kur ata dënojnë apo gjykojnë të tjerët për shkak të besimit të tyre, ata më fyejnë Mua shumë.

Ndjekësit e Mi, hapini sytë ndaj të Vërtetës së Mësimeve të Mia, në nivelin më të thjeshtë. Mos i gjykoni të tjerët. Mos i përçmoni ata që ju besoni të jenë mëkatarë dhe që i refuzojnë Mësimet e Mia, sepse ata janë të barabartë me ju në Sytë e Mi, edhe pse juve ju është dhënë Dhurata e të Vërtetës. Më sjell dëshpërim të madh kur ata ndjekës, edhe pse kanë qëllim të mirë, i urdhërojnë ata shpirtra të gjorë, të humbur se si ta jetojnë jetën e tyre. Ata e bëjnë këtë në mënyrë të gabuar.

Kurrë mos i thoni atyre me besim apo preferencë seksuale të ndryshme se janë të dënuar

T’i shtyni Mësimet e Mia në një mënyrë ku ju i thoni atyre që nuk janë ndjekës se ata do të vdesin apo do të lëndohen duke i quajtur udhët e tyre si ‘të liga’ thjesht do t’i bëj ata më të dobët se më parë. Shumë thjesht do t’ju kthejnë shpinën. Pastaj ju do të keni dështuar. Në vënd që të bëni leksion, tregoni dhembshuri. Mësoni përmes shëmbullit. Kurrë mos thoni apo të përpiqeni t’ju thoni këtyre njerëzve se ata janë të dënuar në Sytë e Mi, sepse ata nuk janë.
Unë e dua çdo shpirt të vetëm, nga të gjitha fetë, të gjitha bindjeve, të gjitha besimeve, të gjitha preferencave seksuale. Secili është një fëmij i shtrenjtë, asnjë më i mirë se tjetri. Ndërsa mëkati gjithmonë do të jetë atje – ju jeni të gjithë mëkatarë mbajeni mënd këtë – do të varet nga secili prej jush për t’i ndjekur Mësimet e Mia dhe për të përhapur Fjalën Time. 

Pushtojeni njëri tjetrin. Tregoni dhembshuri ndaj njëri tjetrit. Mos përjashtoni asnjë, pavarësisht nëse janë Katolikë, të grupeve të tjera Kristjane, Islam, Hindu, Çifut, Budist – madje edhe ato kulte të reja, që kanë dalë të cilat nuk besojnë në Hyjin Atin e Përjetshëm. Lutuni për ata. Mësojuni atyre rëndësinë e hapjes së zemrës së tyre ndaj të Vërtetës. Mësoni përmes shëmbullit. Përhapni konvertim. Por kurrë, mos hidhni gjykime mbi të tjerët, apo të përpiqeni ta diferenconi veten nga ata që nuk e kuptojnë të Vërtetën.

Kurrë mos besoni, se juve ju janë dhënë hiret nga Qielli, prej besnikërisë suaj ndaj Meje, që ju jeni më të mirë se vëllezrit apo motrat tuaja. Po, ju sillni gëzim në Zemrën Time të Shenjtë, por ju duhet të silleni me të tjerët në një mënyrë të dashur dhe jo diktatoriale.

Asnjë nga ju nuk është i denjtë të gjykoj të tjerët

Mbajeni mënd këtë mësim. Asnjë nga ju nuk është i denjë të gjykoj apo të vlerësoj të tjerët. Asnjë nuk e ka fuqinë apo Dijen Hyjnore të bëj ndonjë vlerësim moral për të tjerët. Gjithmonë të jeni tolerantë dhe kujtoni, dita që ju besoni se jeni më të rëndësishëm në Sytë e Mi se ata që ju i konsideroni të jenë mëkatarë është dita që ju jeni të humbur për Mua. 

Unë nuk do të përjashtoj asnjë besim nga këto Mesazhe

Fjala Ime tani po i jepet njerëzimit si një Dhuratë, secilit prej jush. Përmes këtyre komunikimeve, Unë nuk do të përqëndrohem vetëm në një grup të ndjekësve të devotshëm. Sepse ata prej jush që e kuptojnë të Vërtetën më lejoni Mua t’ju kujtoj. Të gjithë fëmijët e Mi nëpër botë, sidomos ata mëkatarë më të ngurtë dhe ata që nuk besojnë në Egzistencën e Atit Tim të Përjetshëm, Hyji Krijuesi dhe Bërësi i të gjitha gjërave, janë tani një prioritet. Do të varet nga ndjekësit e Mi për t’u lutur fortë dhe për të treguar dashuri tek ata që janë të verbër. Por bëjeni këtë në mënyrën që Unë Jam duke ju udhëzuar. Përfundimisht, dijeni se Unë ju dua të gjithëve ju.

Shpëtimtari juaj i dashur
Jezu Krishti
Mbreti i gjithë Njerëzimit

Mesazhi ne anglisht: